التخطي إلى المحتوى

مرحباً بكم في موقع لحظات الذي يقدم لكم كل جديد , واليوم نقدم لكم أجمل أشعار محمد إبراهيم , محمد ابراهيم ..مواليد المحلة الكبرى 1992 .. تخرجت من تجارة انجلش .. قام بتأليف 5 كتب ومن اهم اعماله فلوماستر أبيض 2014 – ديوان الحزن البعيد الهادي 2015 – ديوان زي الأفلام 2016 – ديوان مطلوب حبيب 2016 – أدب اعترافات لما كنا 2017 – شعر كتبت العديد من الأغاني المهمة .. ومن اهتمامات الشاعر محمد ابراهيم القراءة والتكنولوجيا والعاب البلايستيشن , ونتمني أن تنال أعجابكم .

من أروع ما كتب

“وطلعت لفوق جدا جداا ..
صليت وكإنى بودعكوا ..
معلش كلامى هيوجعكوا ..
فـ إقروه للآخر لو حابيين ..
كلنا مساكين ..
أموات عايشين أو بين لـ إتنين ..
انا كنت مفكر وانا عيل إن الأيام أفلام سيما ..
ورضيت بالواقع لما فهمت ..
حكمة ربنا فـ التقسيمه ..
كلنا جايين الدنيا بنقص
وبحاجه زياده عن الباقيين ..
ويارب إزاى .. وانا مش بسأل ..
ليه حُكمه فـ كل اللى بيحصل ..
سبحانك قسّمت الأرزاق ..
أشكال أنواع ..
ولغات أسماء ..
وشوارع فيها بيوت وحارات ..
وجوامع وكنايس وبارات ..
لا بتمنع رزقك عن كافر ..
ولا سايب مؤمن فـ الضيقه ..
ربنا موجود والنبى موجود ..

ربما تشاهد أيضأ:
تفسير حلم رؤية الشيك فى المنام لابن سيرين والامام الصادق

 

وكتب أيضاً

بقالها كتير ..
مبتنامشى على صوته
ولا مضايقه من غيبته
ولو سألوها عنه الناس
فتضحك ضحكه موجوعه
وتنطق بعدها ” سبته”
بقالها كتير ..
مبتبينش إحساسها
ولا بتحكى لـ أصحابها
ولا بتندم عشان سابها
بقالها كتير ..
من الآخر مبتحسش بولا حاجه
ولا بتبكى على ولا شيئ
ولا بتحن للصدفه اللى تجمعهم
فـ اى طريق ..
الجرح علّم فيها آه ..
لكنه علمّها
ان اللى يوجعها
ملهوش مكان ” فيها ”
ولا ينفع حبيب ليها
ولا هيا راح تقبل تكون تانى
حبيبته !

ربما تشاهد أيضأ:
تحديث يوتيوب الجديد على أندرويد

بحبك حُب متحبك

كتبت وراكى بالملى
كلامك وانت بتملى
بحبك حب متحبك
كانه حجاب ومعمول لى
فبكتب شعر بالفصحى
بفرحه طفل فى الفسحه
وفرحه ذنب بالغفران
وعابد بعد ما يصلى
عشان الفلب كان نادر
محبه لقلبك النادر
هويت والقلب وفى الندر
وقمت كتتير اصلى الفجر
وادعى بحرقه ليله القدر
عشان الباب ما بنا يزول
وينزل دمعى منى نزول
وتغرق فى الدموع كفى
ولا شافع ولا مكفى
والم الدعوه ع الدعوه
وادعى كتييير وابقى لحوح
وقلبى يقول ماليش دعوه
عيزها يا رب لو بجروح
عايزها تيجى بالدمعه
وبالاوجاع والاها
ودعوه فيها بتوسل بال البيت وجاه طه
ماهى السهله دى لو جتلى
اكيد بالسهل يوم هتروح
فليه ديما ما بينا بعاد
وليه الوقت يرمينا
لاخر بعد فى الابعاد
واستناكى يوم تيجى
ومتجيش برده اى معاد
وليه لو كنا من العشاق
ده يحصلك ويحصلى
دانا عاشق كتبت وراكى بالملى
كلامك وانت بتملى
بحبك حب متجبك
كانه حجاب ومعمولى

ربما تشاهد أيضأ:
شعر فراق الحبيب قوي - اشعار فراق الزوج قوية 2020

شكرا = ان انا زعلان

شكرا = ان انا زعلان
وإنك غلطان ..
لازم تستنى ونتعاتب
انما لو حابب يومها تقول !
عفوا = اتحرق بجاز . .
ونكمل شغل الألغاز
ونصهين على وجع الاحساس
راح ترجع تسأل يوم مالك
وهقول انا عادى عشان
تسكت ..
وترد خلاص!

عارف سعات بحتاج افضفضلك

عارف سعات بحتاج افضفضلك
اوى وانت سعات أكتر متسمعنيش
فطبيعى جدا بعدها تسألنى مالك
فيكى إيه فأقول مفيش ..
فيه حجات كتيره إن متقالتش
فـ وقتها لو تيجى تسأل بعدها
مبتتحكيش ..
مشغول بإيه وانت اللى قولت إنى
الحياه بالنسبه ليك
… وحقيقى مش قادره أفهمك
أو أحس بيك
فاكر زمان فيه كلام كتير
قولناه فـ نفس الوقت
و فـ قربى ليك قد البعاد إشتقت
وأستنى يجمع بينا أى معاد
ليه إهتمامك بيّا قل وبالسكوت
مين إستفاد ؟!
ليه المعامله اتغيرت فجأه لأسوء
وإن جيت تقولى بعشقك
مقدرش أصدق
أصل المحبه مش غنا ولا كلمتين
يعنى !
أنا محتاجه أفضفضلك فمن فضلك
ياريت تهتم تسمعنى
عشان فيه الف ميت حاجه
بسببك غاويه توجعنى

ربما تشاهد أيضأ:
شعر مساء الخير حب رومانسي للجميع - اشعار مساء الخير للصديق للاخ للحبيب للزوج و للزوجة

قد يهمك أيضاً :-

  1. قصيدة متعتذريش للشاعر محمد إبراهيم
  2. قصائد للشاعر فاروق جويدة
  3. أبيات شعر قصيرة

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *