مرحباً بكم في موقع لحظات الذي يقدم لكم كل جديد , واليوم نقدم لكم أجمل القصائد للشاعر هشام الجخ , وهو واحد من الشعراء الذين نالوا شهرة واسعة فى وقت قصير جدا حيث تميزت اشعاره باللهجة الصعيدية والذى تشبه أشعار الفنان القدير والراحل عبد الرحمن الأبنودي وذلك لتشابه الأداء واللون الذى اختاره هشام الجخ لنفسه , ونتمني أن ينال أعجابكم .
مزحوم يا قطر الغلبانين
مزحوم يا قطر الغلبانين .. وحنشكي مين؟
واخدين على صوت الانين .. لينا سنين
متعلمين الطاعة .. من قبل الصلا
ويا إما نبقى بضاعة .. يا إما المقصلة
والجُبن وسط الجواعة .. قيمة مأصّلة
وآدي الحكاية مفصّلة.. بس اللي يسمع
نادية
وبقولها يا نادية ونادية ونيدية
وضحكة فقلبى منيسة
وربى لولا متربى
ماقولك غير يا غازية
يا ناعسة
نعاس الليل على شعرك بنى بيوته
وحط الطوب وانا ايوب ومش صابر
كلامك وقف اللحن القديم وجددنى
وشد ربابة الشاعر
لانى بيرم ولا حداد ولا جابر
كفاية الليل ملكتينى
مفيش فالشمس جنية …ياغازية
كفاية الحب عاشقينه
ولسعة حبك المولود بتسحرنى
انا اللى نسيت بنات الدنيا فوق رمشك
ما عايز غير اشوف وشك
بيضحكلى بألوانه وتفانينه
ادينا بقينا عاشقينه
ومساكينه ومساجينه ومجانينه
وحبيتك بصوت الناى وصوت الطار
وضرب النار وبراكينه
لو الواد اللى جلبك مالله كان فارس
انــــا عنتـــر
ولو عاوزاه يكون رقاص
… اكون من بكرة
غــــــــــازية
يا صدقى وسهرى وغنايا
يا غنـــاية
ياريتنى اموت فجبانتك
او ابقى حتة فلبانتك
تبلينى وترمينى فارجعلك
اللزق نفسى فى نعلك
واحبك يكش تكرهى لقايا
