صفات رجل برج العذراء

كتابة: Saber_ ibrahem - آخر تحديث: 16 فبراير 2024
صفات رجل برج العذراء

السلام عليكم ورحمه الله وبركاته سوف نقدم لكم صفات رجل برج العذراء ومميزات رجل برج العذراء وعيوب برج العذراء كل هذا واكثر عن برج العذراء علي موقعنا اكبر موقع في لشرق الأوسط والعالم العربي موقعنا لحظات ونتمني ان نكون قد اعجبناكم ونتمني ان نحظي بأعجابكم وفي رعايه الله والسلام عليكم ورحمه الله وبركاته

متفاني لأقصى درجة:

دي اول وابرز صفة من صفات رجل برج العذراء حبه الشديد للتفاصيل اللي بتخليه يتقن اي عمل بيعمله ويطلع فيه الاول كمان، وهو غير كده كمان بيحركه الاحساس الدائم بالمسئولية وده اللي بيخليه اهل لثقة ناس كتير اوي لأن دايما قرايبه واصحابه شايفينه اد المسئولية ويقدر يصد في اي موقف يحتاجوله فيه.

بيسعي للكمال في كل شيء، انه يحسن من نفسه وشخصيتة، وبعدين عمله، وبعدين الاشخاص اللي حوله، وأخيرا العالم. وهو مش من النوع اللي بيرضيه أي شيء، لكن لازم يكون على مستوي عالي من الدقة والاتقان، زوقة مميز وعالي جدا.. طبعا الموضوع ده مرهق جدا لانه بيكون مركز بزيادة وعنده قلق مستمر طول الوقت إن فيه حاجة في شغله وحياته تكون مش كاملة زي ماهو عايز.

كتلة من الطاقة

من مميزات رجل برج العذراء انه عبارة عن كتلة من الطاقة البدنية والذهنية، يقدر يعمل اكتر من حاجة في نفس الوقت وكلهم بنفس الكفاءة، ومعروف عنه كمان انه ماهر جدا في التواصل مع غيره ويقدر يكون حلقة وصل ممتازة بين اي طرفين، والفكرة بقى انه بيعمل كل ده لكن في نفس الوقت عمره ما بيفقد صفة التواضع ابدا واحيانا كمان بيقلل من حق نفسه لدرجه انه ممكن مايطمحش في فرص اكبر من اللي بتجيله بالرغم من كل مؤهلاته وكفاءته.

حبيب تقيل وراكز

رجل برج العذراء مش طايش ولا متقلب، مابيسيبش نفسه يقع في الحب قبل ما يدرس شخصية الطرف التاني كويس ويتاكد ان كل الصورة اللي في خياله بتنطبق عليها من كل ناحية السلبيات والايجابيات نقاط القوة ونقاط الضعف، وعيبه ان طبيعته العقلانية والمنطقية مش بتخليه يتفهم اوي الرومانسية في عشا على ضوء الشموع والخروجات والسفريات مع شريكة حياته، لكن في المقابل رجل برج العذراء بيخلي حياته كلها تدور حوالين حبيبته بيعمل كل حاجة عشانها وبيغير من نفسه عشان يسعدها وبالرغم من الاسلوب ده الا انه بيحب يفاجيء شريكته دايما بافكار جديدة عشان يجدد من علاقتهم ويحسسها بحبه لها.

ده غير ان بما انه بيحب يبقي مثالي في كل حاجة، رجل العذراء شريك مخلص وطيب ومريح، بيحاول يسعد شريكته بكل الطرق ويخليها تعيش حياة سعيدة مرتاحة، هتلاقيه دايما بيهتم بيها ويساعدها في البيت، ويهتم بأولاده ويقضي وقت معاه، بيحرص انه يكون زوج واب مثالي.

القرش الأبيض ينفع في اليوم

ده مبدأه في الحياة رجل برج العذراء يحب يبص لقدام، ودايما دايما شايل حاجة للزمن وايام التقاعد والايام الصعبة، وحتى لما يستثمر فلوسه يحب نوع الاستثمارات طويلة الاجل ومايخاطرش ابدا بأي فلوس يستثمرها وينتظر ربحها بسرعة.

الصديق الصدوق والجدع

رجل برج العذراء صديق جدع جدا ويعتمد عليه، وفي لأصدقائه وعلاقاته لدرجة انه من الصعب يتعرف على حد جديد واحيانا كمان بيبان متحفظ ومش عايز يتعرف على حد جديد والسبب في ده انه بيخاف جدا ان حد يتقربله على المستوى العاطفي، بيختار اصحابه وعلاقاته بدقة، دايما حواراتهم مليانة بالنصايح والحقائق لدرجة انهم بيبقوا عمليين اكتر من اللزم اثناء الكلام والحوار مع اصدقائهم ومعارفهم بس اللي بيتنبه منهم للصفة دي بيبدأ يخلي باله من الموضوع ده ويدي النصيحة بس لما تتطلب منه، بس في الاخر كل اصدقاؤه عارفين انه موجود لما حيحتاجوه.

الدقة والنظام اساس شغله

اي كانت الوظيفة اللي بيشتغلها رجل برج العذراء فهو مش حيسيب تفصيله غير لما يدرسها ويحللها كويس جدا، دايما يبص على التفاصيل ويدرسها لغاية ما تتكون قدامه الصورة الكاملة للشغل وساعتها بتكون في اكمل صورها، رجل برج العذراء يليق اوي في اعمال النقد والتحليل زي البورصة والبنوك وحتى البحث العلمي المهم يكون شغل متعلق بدراسة التفاصيل وفي النهاية بتاخد منه شغل دقيق جدا ومنظم جدا وغالبا مافيهوش غلطة.

انيق وموسوس شياكة

رجل برج العذراء مهتم جدا بمظهره، يحب يظهر في الشكل الانيق اللي مافيهوش غلطة دايما حالق شعره ودقنه، معاد الدش والاستحمام ده من المواعيد المقدسة اللي ما ينفعش يكسل عنها، الوانه اللي بيحبها درجات الازرق والكحلي والرمادي مع انه برضه ساعات يحب الوان تانية، اما استايله فهو بيختلف على حسب شخصيته لكن اللي بيتفق عليه رجال برج العذراء كلهم ان مهما كان الاستايل فهو اكيد شيك ومتناسق.

رجل العذراء لو شعر بالأمان مع شريكته وتأكد إنها هي الشخص المناسب، هيبذل كل طاقتة عشان يسعده، ولما يسألك إنتي محتاجة اية؟ اتاكدي انه فعلا بيسأل بجد عشان يحققلك اللي نفسك فيه وانه ده مش مجرد سؤال.. ممكن تلاقيه بيقرا كتاب عن الرومانسية والعلاقات بس عشان يسعدك.. رجل العذراء لو قدرتي تستحوذي علي قلبه يبقي إنتي ضمنتي لنفسك السعادة الأبدية.

التالي
كلمات اغنية مالك عمرو دياب
السابق
كيف أعمل الجريش